Guðni Ágústsson hættur og farinn

Það var kominn tími til. Maðurinn er ekki í tengslum við raunveruleikann og hefur líklega aldrei verið.  Það verður gaman að sjá hvað Framsókn gerir á næstu vikum til að koma í veg fyrir að flokkurinn lognist endanlega út af.

Guðni segir af sér þingmennsku

Sorgleg úrslit í USA

Það dregur úr ánægjunni með kjör Obama að kjósendur í ýmsum ríkjum Bandaríkjanna hafa kosið að takmarka rétt samkynhneigðra. Sum ríki vilja banna giftingar samkynhneigðra para en önnur sem nú þegar hafa bannað giftingar banna ættleiðingar hjá ógiftum pörum. Ég trúi því varla að Kaliforníubúar taki þátt í þessum mannréttindabrotum en það lítur þó út fyrir það. Þetta er dökkur dagur fyrir samkynhneigða félaga mína í USA.

Réttur samkynhneigðra takmarkaður

Kirkjan í kvíðakasti

Ég hef gaman af því hvað Biskupinn er stressaður yfir því hvað Menntamálaráðherra hefur tekið vel í gagnrýni Siðmenntar á trúboði í skólum. Það væri áhugavert upplitið á Karli og félögum ef Múhameðstrúarmenn fengju að hafa fræðslu um sitt trúarlíf í leikskólum og skólum landsins. Þá er ég hrædd um að heyrðist hljóð úr ýmsum hornum. Siðmennt stendur sig ákaflega vel þessa dagana og hafa komið af stað löngu tímabærri umræðu um trúfrelsi, kristniboð og trúarbragðakennslu. Við búum í fjölmennningarþjóðfélagi og verðum að sýna þeim virðingu sem ekki aðhyllast kristna trú. Að lokum vil ég leggja til algeran aðskilnað Ríkis og Kirkju.

Magnús Þór og Ragnheiður - frábær blanda!

Ég var að horfa á Laugardagslögin og hafði gaman af laginu hans Doctor Gunna - mér þótti það skemmtilega ósvífið. Það kom hins vegar ekki annað til greina en að splæsa í 99,90 og kjósa flotta lagið hans Magnúsar Þórs, flutt af Ragnheiði Gröndal. Eftir að þau sendu frá sér lagið Ást treysti ég þeim til að sigra heiminn saman. Þau eru frábær. Ég er ekki vön að taka þátt í símakosningu en stóðst ekki mátið. Þetta er sko ekkert skot í myrkri.

Flott föt

Flottur einkennisbúningur sem maðurinn er í.

Sérþjálfaðir öryggisstarfsmenn til starfa í verslunum 10-11